Diese Seite drucken
Scora sön le lüch da paur
Home Soziale Landwirtschaft Schule am Bauernhof Scora sön le lüch da paur

Scora sön le lüch da paur

1. Ci é pa la scora sön le lüch da paur?
Les scolares y i scolars passa ca. 3 ores sön n lüch da paur cun na zertificaziun aposta. Les paures y i paurs formades/formá a livel pedagogich spliga sciöche al vëgn arjigné ca i produc alimentars – dal mëteman cina al produt rafiné. Les mitans y i mituns pó porvé fora instësses/instësc, adoré sües mans y daidé para pro le laur da paur. Aladô de ci che al vëgn fat sön le lüch da paur pó les mitans y i mituns fá pan, ciavé soni, turné la pëgna, cöie poms, ojoré i tiers y fá n gröm de atres cosses ciamó lapró. Te na manira ludica vëgnel insciö mostré sö i lians danter l’agricoltöra y l’ambiënt y descedé la consapevolëza por produc alimentars de valüta. Canche an vá a ti ciaré al lüch ciafon dagnora ince na picia marëna sana cun produc de ciasa. Le program avisa vëgn bele baié fora cun les insegnantes/i insegnanc denant che an vais a ti ciaré al lüch da paur. An tëgn sambëgn cunt dla eté dles mitans y di mituns y de atri proiec che vëgn fac te scora.

2. Ciodí pa na scora sön le lüch da paur?
I valurs se forma tres les relaziuns: ci che nos tolun sö sciöche valch de prezius ciafa valur. Valurs sciöche n comportamënt respetus cun i tiers, savëi da aspeté cun paziënza che le pan sides cöt o ciarcé cun reconescënza n pü de lat frësch. Avisa porchël é la pedagogia esperienziala sön le lüch da paur importanta por les mitans y i mituns propi do le moto: „Imparé cun la man, le cör y le ce“. La scora sön le lüch da paur pó ti dé inant ales scolares y ai scolars valurs chersciüs cun le tëmp, valurs tradizionai, na manira da se comporté respetosa y che se mantëgn tl tëmp liada ales ressurses y n comportamënt etich cun tiers y porsones. Chëstes conescënzes é por les mitans/i mituns, por les jones/i jogn y por porsones adultes na esperiënza de valüta de chëra che ares/ai pó nen aprofité döta la vita.

3. Che pó pa tó pert ala scora sön le lüch da paur?
Le grup prinzipal che an ó arjunje por frecuenté la scora sön le lüch da paur é dötes les scolares/düc i scolars dles scores elementares todësces, talianes y ladines, mo ince dles scores mesanes y altes y al é ince porsones adultes che descür la scora sön le lüch da paur. Dantadöt por mitans y mituns cun n background de migraziun é chësta vijita na esperiënza particolara, ciodiche ares/ai pó se lascé ite te n toch de Südtirol che ares/ai ne conësc nia ciamó.

4. Ci lüsc da paur pón pa vijité?
Tl Südtirol él passa 28 lüsc da paur che pita la scora sön le lüch da paur. Sön la plata www.schuleambauernhof.com / Le nostre contadine pól gní filtré düc i lüsc da paur aladô dl raiun, dla oferta y dl inom.
Sce i ëis domandes podëise contaté l’Ofize por la organisaziun dles paures dl Südtirol: +39 0471 999 460; info@baeuerinnen.it o ince le Sorvisc por l’educaziun ala sanité pro le Departimënt educaziun y cultura ladina.

5. Iscriziun y informaziun:

La vijita ala scora sön le lüch da paur costa 15 € por vigni möta/möt (10,50 € vëgn metüs a desposiziun dala Repartiziun por l’Agricoltöra). Les scores elementares dles localites ladines pó tó sö contat cun la Fondaziun UPAD che spligará plü avisa co fá l’iscriziun – a vigni manira cina ala fin d’otober por l’ann do.


Fondazione UPAD
Monica Turatti
Via Firenze, 51 39100 Bolzano
Tel. 0471 921 023
Mail: info@upad.it

 

6. Ci condiziuns ademplësc pa chëres y chi che pita la scora sön le lüch da paur?

Chëres y chi che pita la scora sön le lüch da paur á tut pert a na formaziun speziala, che á doré bëgn 104 ores. Dötes y düc chi che pita la scora sön le lüch da paur se impegnëia da fá vigni ann n curs de formaziun.

7. Ci criters ademplësc pa „la scora sön le lüch da paur de Südtirol“?

- Segurëza y sanité
- Al vëgn tigní ite les desposiziuns sön la segurëza varëntes
- An é istruis por ci che reverda le pröm aiüt
- Al vëgn tigní ite les desposiziuns igieniches varëntes
- Le lüch é tigní bun y curé - Al vëgn tigní cunt eventualmënter de alergies da arjigné ca la picia marëna
- Al é a desposiziun lercs da parché y da oje
- Al é a desposiziun lercs adatades da se tigní sö deboriada (por mangé la picia marëna, por fá belaita, por se palsé fora y i.i.)
- Sce al ess da ester bur tëmp él lercs adatades a desposiziun.

8. Se arjignon ca dan y do che an á frecuenté la scora sön le lüch da paur?

Vigni direziun raionala todëscia, taliana o ladina á implü ciamó na cassëta cun material didatich: „La cassëta de mi gran lüch da paur“. „Mi gran lüch da paur“ é implí cun materiai de insegnamënc, libri y jüc che á da nen fá cun le tema dl lüch da paur y na alimentaziun sana y vëgn adoré por se arjigné ca te scora denant y dedô che an é jüs a ti ciaré al lüch da paur.

 

 

 

 

Ähnliche Artikel